我是一名80後，從來都是一個落後者，讀的是band5(最近校都被人殺埋），讀書唔係好叻，又唔係特別聰明，我覺得自己從來都係所謂既underdog,青春期時其實對好多野不滿，但慢慢發覺做一隻underdog其實感覺都唔錯，一手一腳靠自己慢慢向上爬，訂立目標再靠自己去實現其實好有滿足感
新一年我想為自己訂立一個長期財務自由既目標，呢幾年不斷有睇一眾財務自由達人既blog,見識到好多野，所以我都開始要借新一年為自己訂立一個財務自由既blog,將自己既睇法同目標一一記下，為整個過程留下印記,並且整理自己好多零碎既想法
睇好多成功人士總結到以下財務自由既要素：
1.）有非常穩定既現金流（如穩定既一份工作，具正現金流既"資產"，如買樓收租籃籌股息）
2.）高於常人既EQ（身邊大部分既朋友都著重短炒賺頭輸尾，而觀察所得大部分真正賺錢既人都係買入優質並具正現金流既資產longhold，財息兼收）
3.）具有異於常人既逆向思維同耐性，眾人樂觀all in既時候小心翼翼，而且眾人悲觀離場既時候佢地依然具有好強既購買力並大手買入，學誠哥講既就係"好既時候唔好睇得太好，差既時候唔好睇得太差"
以上實質上知易行難，當個個爭相入市既時候，你會驚拾輸，個個爭相拋售既時候，你會覺得恐懼認為仲有得跌，因為人性如此，其中可貴之處係你點克服自己既人性弱點，咁你就蠃到90%既人
就自己既情況我為自己訂下以下達成財務自由既目標：
1）基礎層：搵一份具穩定現金流既工作
（已達成，而家career position上進可攻退可守，公司業務穩定福利好好，人工亦理想）
2）進階層：加強現金流
工作：a.)dilpoma甚至master:令自己職場競爭力加強
b)加強普通語/英語能力，平日多聽，報公司資助course，考取證書
c.)注意人際關係，多結善緣，留意做事方法/態度會否令人不滿
投資：a.)轉為月
